Góður dagur í gær. Útsýnið af fjórðu hæðinni var fagurt sem vonlegt er um klukkan 10.
Eftir hádegið gekk ég til fundar við Populusfélaga tvo í Menningartunnunni Hofi, á leiðinni virti ég fyrir mér menjar um fyrstu flugbryggju á Íslandi.
Að vonum lá vel á Populussveinunum knáu Aðalsteini og Guðmundi.
Fyrst maður var í Menningartunnunni var tilvalið að bregða sér á frábæra píanótónleika með virtúósnum Víkingi Heiðari, sem flutti með meiru í fyrsta sinn Tindrandi píanóljóð eftir okkar mann Jón Hlöðver. Í hressilegustu köflunum í Liebestod Wagners var sem Víkingur væri kominn með flygilinn á loft svo nálgaðist rokksjów.
