Viktor Daði á frjálsíþróttamóti

Augasteinninn okkar Fróðnýjar hann Viktor Daði keppti á frjálsíþróttamóti í gær – sunnudaginn 11.11.2012 –. Þar var ólympíuhugsjónin í hávegum höfð. Pizza og djús á eftir.

HEFLARNIR á Icelandic Airwaves

HEFLARNIR flugu suður miðvikudaginn 31.október 2012 til að spila á Icelandic Airwaves, á þokkalegu rokkbúllunni Amsterdam. Þetta var hinn ljómandi leiðangur þó kuldinn og rokið fyrir sunnan hafi verið í mesta lagi.


og svo var ródað á Amsterdam



og síðan blastað um kvöldið

“ Fjórir Kátir Bestir “ í Kántríbæ

Trúbadúrarnir Aðalsteinn Svanur, Guðmundur Egill, Guðbrandur Siglaugsson og Kristján Pétur ( Fjórir Kátir Bestir ( Fjórir Ljótir Lestir )) komu í Kántríbæ föstudagskvöldið 5. október 2012, sáu og spiluðu af hjartans list og sungu hver með sýnu nefi.

Skuggabaldur ?

Þessi fylgdi mér, ja einsog skugginn, á sólskinsgönguferðunum um nágrenni Reykjalundar.

Viktor Daði nýklipptur

Fyrir skömmu fór blessaður engillinn minn hann Viktor Daði í klippingu og hafði fengið klippistelpuna til að bregða aðeins á leik. Flottur svona:

Á Illugastöðum í Hnjóskadal

Við Fróðný fórum ásamt systkinunum góðu Viktor Daða og Heklu Karen í sumarbústað að Illugastöðum í Hnjóskadal ( nútildags er dalurinn kallaður Fnjóskadalur, en það er bábylja, sem ég hirði ekki um ). Veðrið lék við okkur þessa viku frá 3.-10. ágúst. Og allt andaði kyrrð og friði.
Við vorum bara rétt búin að bera dótið í bústað, er systkinin voru komin í heita pottinn.



Helga Jóna kom í heimsókn fyrsta kvöldið, þá var að sjálfsögðu farið í pottinn aftur.





Það var keppt í Boccía, enginn veit hver vann enda aukaatriði.









Mamma ( Sveina amma ) og Birgir bróðir minn komu í heimsókn.



Það var tekinn hringur eða tveir í Krokket.





Einn daginn ókum við til Húsavíkur og heimsóttum meðal annars Hvalasafnið.






Hekla hitti Guðmund stóra bróður


Og alltaf var potturinn góður










Og við litum við í kaffihúsinu Uglunni