Hvað ætlar þú að verða væni ?

Þetta gerist alltaf um þetta leyti

Rokk er betra en handsal

Þessa mynd tók Fróðný, minn miklu betri helmingur, eftir Miðnæturtónleika í Populus Tremula, af okkur Hallgrími Ingólfssyni handsala það, að við lag mitt “Rokk er betra” verði gerð karlakórsútsetning og hún flutt við tækifæri.

Beðið eftir strætó

Sunnudags-menningar-bíltúr

Ég hef ekki smellt neinu hér inn lengi, latur. Hinsvegar fórum við frú Fróðný í bíltúr með menningarlegu ívafi síðastliðinn sunnudag. Byrjuðum á stórgóðri sýningu Maj Hasager í Populus Tremula sjá.

Þagnar-Freyjan mín hefur ekki látið mikið á sjá í sumar, helst að heimskir húsmálarar hafi ýrt á hana smávegis hvítu.

Næst var það Listasafnið með kreppumálarana. Þar var margt flott skilleríið og saltfiskur.

Síðan var haldið gegnum Kjarna fram á flugvöll, þar eru Freyjur, sem tolldu ekki á mynd, en þetta landslag er í leiðinni.

Segir ekki meir af sunnudeginum þeim

Krónprinsinn klifrar smá

Viktor Daði var í heimsókn og við smíðuðum aðeins á vinnustofunni. Þegar við fórum aftur upp á fjórðu prílaði sá stutti smá og bað um myndatöku. Ég sagði að amma hans mætti ekki sjá myndina því hún vildi ekki að hann væri að klifra. Set myndina því á netið.

Súld og Rigning

Það var súld og rigning á Akureyri í gær.  Þó ekki súld og bræla, sem ég held að fari ekki saman skilji ég hugtökin rétt.

Kl 7.

KL 12.

Kl 16.

  Kl 20.

Skýin í gær

Jú þetta er toppurinn, ef til vill ekki á tilverunni, en á Kaldbak í gærmorgun.

Spjallað við Rauðuþögn

Þessum færslum um þögnina rauðu, sem er mér svo hugleikin vegna þess að hún leikur aðalhlutverk í verkefni, sem verður mörg ár í gangi, lýk ég í bili með myndum, sem Fróðný minn miklu betri helmingur tók á veröndinni við sumarbústaðinn á Flúðum.

Fróðný og Rauðaþögn við Giljareiti

Við Giljareiti á Öxnadalsheiði er góður áningarstaður. Meðan ég reyndi um daginn að mynda þá rauðu ( án góðs árangurs í það skiptið ) brá minn miklu betri helmingur sér niður að skoða gljúfrið. Bestu myndirnir sem ég tók í þessu stoppi voru reyndar þær sem ég tók er Fróðný sneri aftur.

Rauðuþagnarljósmyndari ljósmyndaður

Í hvert sinn er við frú Fróðný förum í langan bíltúr er Rauða þögnin með í farteskinu og ég smelli af myndum fyrir fyrirhugaða sýningu ( sýningar ). Þegar við ókum nýverið suður á flatlendið var stoppað á Öxnadalsheiði og Holtavörðuheiði. Minn miklu betri helmingur tók nokkrar myndir af myndasmiðnum.
Þess ber að geta að ef til vill náðust ein eða tvær góðar myndir í þessari "sessíon" þó ekki séu aðfarirnar mjög fagmannlegar.

Önnur heimsókn á vinnustofuna

Krónprinsinn Viktor Daði hefur verið í heimsókn hjá ömmuogafa um helgina, en fer og út á land í dag, með mömmu sinni í Vatnsdalinn.
Viktor leit við á vinnustofunni til að pússa spýtu sem hann hafði tálgað til í sveitinni. Hann segir það vera skítlétt að tálga en svolítið erfitt að pússa.
Það er þetta með þolinmæðina.

Heimsókn á vinnustofuna

Þessi geðþekku hjón, Lísa P og Björgúlfur bíslagsbyggir hafa verið hér fyrir norðan síðustu viku, en hyggjast aka út á land í dag til Stór-Kópavogssvæðisins.

Flogið norður

Þær flugu norður eftir Öxnadal þessar álftir um daginn. Ég sat í Ford með svipaða stefnu um stund. Heyrði því ekki hvort þær kvökuðu eða sungu eða hvort þær flugu með fjaðraþyti.

Geitungur við Geysi í Haukadal

Hann var á bílastæðinu í veðurblíðunni í síðustu viku.
Mér fannst hann jafngóður gufu.

Morgnar í Ásabyggð 37 við Flúðir 26.6.-3.7. 009

Við Fróðný dvöldum í sumarbústað suður á Flúðum frá föstudegi 26.6. til föstudags 3.7. 2009 og höfðum það betra en eggjablómi.
Ég tók mynd af útsýninu í norðvestur af veröndinni þegar við komum og svo á hverjum morgni þegar ég var búinn að pissa.

Föstudagur 20.6. kl. 13;50

Laugardagur 27.6. kl. 06;48

Sunnudagur 28.6. kl 05;01

Mánudagur 29.6. kl. 06;19

Þriðjudagur 30.6. kl. 07;01

Miðvikudagur 1.7. kl. 09;34

Fimmtudagur 2.7. kl. 09;49

Föstudagur 3.7. kl. 07;43

Meiri Þagnar-Freyja

Nokkrar myndir með Populus hurð og glugga lokuð

" The Making of " ÞAGNAR-FREYJA

Fátt hef ég hugsað um meir, né starfað að viti við undanfarnar vikur, en Freyju. Frá því ég fékk tilboð um að taka þátt í sýningunni, og ég hafði ákveðið að stækka upp fjórðupartsþögnina mína góðu, vegna augljósra kvenlegra eiginleika hennar og staðsetja hana fyrir framan Populus Tremula, hefur þetta verið virkilega skemmtileg en bakveikjandi vinna ( hugmyndir, sem skipta þó öllu máli, reyna aldrei á bakið ). En nú er Þagnar-Freyja á sínum stað og bara að bíða og sjá hversu vel Akureyrarlýður og utanbæjarfólk fer með hana í sumar.

Hér er svo the making of Þagnar-Freyja, sem gerð er úr krossvið, fyrrum millivegg úr Populus Tremula og gamla rúmbálknum mínum.
Það var sagað, límt, sagað meir, höggvið, pússað með brettaskífu og sandpappír, málað og svo skrúfað fast við gamla Mjólkursamlag KEA.
Gangi þér vel Freyja mín.