Kristján Pétur Sigurðsson

Tónleikar á ObLaDí 20.1.2012

2012-01-23T13:36:00.002Z

Við fórum suður í helgarferð og ég notaði tækifærið til að spila hjá Desmond og Mollí Jones á bítlabarnum ObLaDí ObLaDa. Með mér stigu á svið Böggi og Lísa ( Söngtríóið Sólarblómið ) og Haraldur Davíðsson ( Hið Aðallega Skrokkaband ). Þetta var hin besta skemmtun takk fyrir.

Obladí er við Frakkastíg, þar var áður strípibúllan Las Vegas og enn áður Tveir Vinir þar sem Hún Andar spilaði einu sinni, en það er allt önnur saga.

Að afloknum mínum einmenningi bar ekki á öðru en að við frú Fróðný værum kát.

Þá stigu á svið Böggi og Lísa og ég kom inná í Rokk er Betra

Og að lokum Skrokkabandið eftir ó svo langt hlé.

Minn gamli vinur Gestur Guðmundsson dúkkaði upp, einhversstaðar á hann mynd einsog Dorian Grey.

Myndirnar tókum við Fróðný og Hulda Hrönn. TAKK fyrir komuna.

Glitský

2012-01-04T13:53:00.003Z

Ég tók líka mynd af glitskýjunum um daginn. Finnst samt dökki skýhnorðrinn fyrir framan dýrðina alveg jafn flottur.

Áramótaáheit

2012-01-03T10:40:00.003Z

Ég mun glápa í skýin

Rottan á Ráðhústorginu

2011-12-28T17:06:00.003Z

Það er rotta á Ráðhústorgi að ráðast á jólatré
og er nema von að ég orgi og alllítið finnist það spé.
Því rottan og Ráðhústorgið þett´ er raunalega ljótt
og trénu best væri borgið á báli sem lýsti upp nótt.

Þagnarfuglar í búri

2011-11-12T14:58:00.001Z

Dekkað borð í Populus Tremula

2011-11-12T02:54:00.003Z

Minni meðlimi á yfirvofandi aðalfund

populus

2011-11-12T02:19:00.003Z

stefni að myndasyrpu um utandagskrár atriði í Populus Tremula

Rauða þögn í 002Gallerí

2011-11-11T18:05:00.004Z

Á inni

2011-11-11T01:03:00.003Z

áður en drepið er síðast í

2011-11-11T00:24:00.004Z

us fools

polli

2011-11-11T00:20:00.001Z

agalegt

2011-11-11T00:16:00.002Z

finnst mér þetta ekki agalegt

listalausi dagurinn / lystarlausi dagurinn

2011-11-01T09:24:00.003Z

Það sem listafólk getur vaðið í vitleysunni. Nú hafa einhverjir fáráðirnir ákveðið, að til að sýna lýðnum fram á hversu merkileg listin sé og þá væntanlega listafólk mikilvægt, sé sniðugt að boða til listalauss dags. Það er ekki skrýtið að það rigni ofaní nasirnar á svona fólki. List er merkileg en listafólk og fólk sem um listirnar sýslar getur oft verið andskoti ómerkilegt. Þetta er svona álíka mögulegt og fíkniefnalaust Ísland eða reyklausi dagurinn eða bíllausi dagurinn eða dagur ei meir. Það er allt í lagi að benda fólki á að list sé allumvefjandi og í raun sé flest sem þú lítur, heyrir, gengur í og á, lest eða jafnvel þefar uppi list, en að hvetja lýðinn, sem þessir fáráðar meina að fatti þetta ekki, til að skrúfa fyrir skilningarvitin er í besta falli misheppnaður brandari, svona brandari af þeirri gerðinni sem þarf að útskýra eftirá í löngu máli.
Allt fólk hefur skoðun á list jafnvel þó það viti ekki eða pæli ekki í því að til sé list.
NJÓTIÐ því lista í dag sem aðra daga.

Uppáhaldslög í Verksmiðjunni á Hjalteyri

2011-07-24T14:45:00.001Z

Laugardagskveldið 23.7.2011 hélt ég Tónleik í Verksmiðjunni á Hjalteyri. Flutti þó nokkur uppáhaldslög eftir sjálfan mig og aðra ( Cornelis Vreswijk, CM Bellmann, Jón frá Hvanná,Tom Waits, Bob Dylan, Harald Davíðsson, Leonard Cohen ) bæði við eiginn gítarslátt og akapella ( afrabrikella ) og Guðmundur Egill var svo sérlegur gígjusláttarmaður í nokkrum lögum. Birgir bróðir minn setti upp ljós til að mýkja verksmiðjugrámann. Kann ég þeim bestu þakkir fyrir hjálpina.

Þetta lukkaðist bærilega takk fyrir.

Minn miklu betri helmingur frú Fróðný tók meðal annarra þessar myndir.

Í Vopnafirði 24.6.-26.6.

2011-06-27T16:45:00.001Z

Hekla Karen systir Viktors Daða býr á Haukstöðum í Vesturárdal í Vopnafirði. Hún á afmæli 25.júní. Við Viktor og frú Fróðný lögðum því í austurleiðangur þann 24. náðum í Heklu og héldum öll í veiðihúsið við Vesturá, svo systkynin gætu verið smátíma saman.

Það ringdi mjög á austurleið.

En systkynin voru sæl um kvöldið og fóru loks þreytt að sofa.

Frú Fróðný var ánægð í kvöldblíðunni

En húsbóndinn stúderaði Jaðrakan, sem er hinn fínasti fugl þó ekki séu hljóðin fögur.

Afmælissöngurinn var að sjálfsögðu sunginn að morgni.

Síðan var ekið í afmælisveislu í Haukstaði.

Hér er Fróðný ásamt aðalprinsessunni og bestu vinkonu aðal.

Eftir vafasamt veðurútlit rættist úr og barnaskarinn gat farið út. Viktor Daði var feginn að geta sýnt hvernig hoppað er á trampólíni.

Og lagðist svo í hengirúm til örlítillar hvíldar.

En afmælisbarnið settist við hannyrðir eftir að gestirnir fóru.

Daginn eftir kvöddum við prinsessu, sem hafði blýanta í eyrunum.

Og héldum upp í þokuna á heiðinni. Takk fyrir okkur.

PAPAPOPULUS 2004 - 2011

2011-06-16T07:58:00.001Z

Í dag verður til moldar borinn öðlingurinn Sigurður Heiðar Jónsson. Papapopulus. Orð mín eru of fátækleg til að lýsa honum. Þess vegna hef ég safnað saman nokkrum ljósmyndum úr leik og starfi í Populus Tremula. Hann var Papa Populus. Blessuð sé minningin um góðan vin.

Papapopulus er fallinn frá

2011-06-11T14:19:00.003Z

Öðlingurinn Sigurður Heiðar Jónsson er látinn eftir æðrulausa baráttu við MND sjúkdóminn. Blessuð sé minning hans.

Gleraugum græn og góð

2011-06-05T18:37:00.001Z

Birgir bróðir minn og Hjördís Frímann vel gleraugnavædd.

Alltaf að öskra

2011-06-02T15:54:00.002Z

Sátum einu sinni saman ég og þú við sólarlag og þá var einsog nú.

Fugl á þúfu og fagurt líka söng um framtíðardægrin löng.

Blogo

2011-05-25T18:16:00.000Z

Viktor Daði í freyðibaðshúsi

2011-05-22T14:36:00.001Z

Við á Viktorsmynd

2011-05-08T14:09:00.001Z

Viktor Daði tók þessa mynd af okkur hjónakornunum í Listagilinu í gær. Honum finnst mjög gaman að taka myndir og vídeó, en hirðir ekki mikið um að skoða handverkið.

Þagnar-Freyja að fara á límingum

2011-05-01T09:36:00.001Z

Eftir tvo vetur úti í frosti og regni og frosti og regni og frosti og regni og . . . . hefur Þagnar-Freyjan mín, sem stendur vörðinn við Populus Tremula, farið að fara svolítið á límingunum. Ekki skrýtið því hún er gerð úr allskyns timbri með mismunandi þanþol og vatnsheld lím svokölluð eru að minnsta kosti ekki eitt, vatnsheld. En blessunin fær að þrauka unz yfir líkur með Populus. Ef ég væri feministi myndi ég segja að hún væri táknmynd ævarandi kvennakúgunar. En það sagði ég ekki. Þetta er listaverk sem ég ræð ekki lengur yfir, það er í samvinnu við íslensku veðrabrigðin að skapa eitthvað nýtt.

Gilið aðfaranótt 17.4.2011

2011-04-20T13:03:00.002Z

Birgir tók myndina, smáfiffuð í iphoto

-40 Húllumhæ í Populus Tremula

2011-04-19T14:08:00.001Z

Laugardagskvöldið 16.4.2011 var mikið húllumhæ í gilinu. Þá var haldið uppá þann áfanga sem ég næ aðeins einu sinni, að verða 60 ára og still going tiltölulega strong. Það var etið og drukkið ( mikið margir ) , tjúttað, twistað, sjeikað, rokkað og rúllað á rósum.

Ég vil þakka Fróðnýju konu minni og stjúpdætrum fyrir alla hjálpina við að undirbúa þessa veislu. Svo og þakka ég öllum fyrir komuna og góða skapið og gjafirnar. Veislustjóra, hljómlistamönnum og ræðumanni fæ ég seint fullþakkað skemmtunina.

Þetta eru nokkrar myndir úr gleðskapnum og ennþá fleiri finnast hérna.

tókst

2011-04-17T03:33:00.001Z

enn er - 40
ég

Unglingsárinn á síðasta skeiði

2011-04-11T14:37:00.003Z

Já mér tókst það er - 40 í dag.
Börnin sungu afmælissönginn með lokaerindinu : "Hann verður gamall og grár eftir 19 ár". Það er nægur tími.
Samt verður maður að viðurkenna að þegar farið er að leggja mann á skurðarborð og gera við mann er maður sennilega kominn á síðunglingsárin.
En ég kýs að kalla það að unglingsárinn sé að leggja upp laupana.

Viktor Daði og Hekla Karen með fánann fíflanna

2011-04-10T18:28:00.001Z

“Íslenski fáninn ameríski bjáninn” sungu börnin og hlógu og hlupu með fánann fíflanna í blíðunni í dag.

Fleiri myndir af þessu hlaupi má sjá hér

Hugsað um Æseif andskota

2011-04-08T14:35:00.002Z

nei eða já svei eða má vei eða vá

Stopp í stigagangi

2011-04-08T13:09:00.002Z

litið út um ljórann enn

Viktor gallaður í fjallið

2011-04-07T13:00:00.003Z

Vantar bara hjálminn á höfuðið og brettið á fæturnar.

Æfing

2011-04-07T12:34:00.003Z

Þetta er fáninn fíflanna í logninu um daginn.
Prófa mig áfram með að nota iphoto í makkanum meðan ég hef ekki photosjoppu,

Viðbrigði

2011-04-07T11:41:00.002Z

sit í stól inni í stofu með makkann á vinstra læri og stólarminum og bob marley rastamannar sig í forblöffende hljóðgæðum miðað við að á þeim litla sjést ekki í neina hátalara hljóðið lekur bara si svona uppúr lyklaborðinu og maður er hálfhræddur við merja það með áslættinum en ég hugsa hvílík viðbrigði það eru að hafa þetta svona

af svölunum í dag

2011-04-06T15:51:00.002Z

klippt og smáfiffað í iphoto

Strandgötu37Hrafninn

2011-04-05T16:40:00.001Z

Þetta er stéttin mín

2011-04-05T15:25:00.001Z

Eða er það regnbogi

Hundurinn sem geltir við grindverkið

2011-04-04T14:04:00.002Z

Hann geltir oft að mér þessi þegar ég geng að eða frá verkstæðinu.

Skaflinn við gangnamunnann er að gefa sig

2011-04-03T13:00:00.001Z

Strandgötupollurinn um hádegisbil í dag

2011-04-03T12:56:00.001Z

Fáninn fíflanna blaktir í bakgarðinum

2011-04-02T14:53:00.001Z

Það viðraði til að viðra fánann í dag.

Lognfíflafáni

2011-04-01T12:44:00.003Z

Hann bærðist vart í blíðunni fáninn fíflanna

Inni / úti

2011-03-30T16:17:00.002Z

I gærkvöld á kontórnum.

ennafgamlahandahófinu

2011-03-30T13:09:00.001Z

Viktor les fyrir Heklu yfir eterinn

ímakkstest

2011-03-29T19:24:00.001Z

og þessi

af handahófi

2011-03-29T19:11:00.002Z

þessimynd

Ekki alltof aktívur bloggari

2011-03-24T12:35:00.004Z

Nei og mér er alveg sama um það, en nú á ég orðið makka og er að verða gráhærður yfir honum, það er í stíl við álið burstaða. Allir þessir fídusar sem maður var farinn að kunna svo vel á PC eru ekki hér, en nýtt lærist smátt og smátt. Gráu hærurnar eru þó komnar til að vera.
Efri myndin er af okkur Fróðnýju á Kanarí og kemur þessari færslu ekkert við. Ég var bara að prófa að komast í kynni við iphoto, sem ég kalla drasl alla vega meðan ég kann ekkert á það.
Neðri myndin er tekin á tölvuna sjálfa og það virðist auðvelt. Sjá má gráu hárin umræddu.

Öskudagur-Aukastórnammidagur

2011-03-09T13:48:00.001Z

Í dag, á öskudag, fá börnin gífurlega úthaldsmikla nammimaga.

Inni í sófa liggja tvær söngþreyttar ninjur með slíðruð sverð, horfa á eitthvað í sjónvarpinu, væntanlega ekki fréttir af handtökum Kaupþingsmanna, og standa sig vel í sælgætinu.

Útum ljórana

2011-03-07T11:22:00.001Z

Gluggarnir í stigaganginum upp á fjórðu eru gamlir og skáldaðir og raki milli glerja. Það þarf ekki photoshopfilter þegar myndað er í gegnum þá í gær. En örlítið átt við skilleríin í ljósmyndakompunni, einsog sagt er.

Taka tvö : þrír gluggar í norður upp á fjórðu

2011-03-02T15:25:00.001Z

Ofbeldi Gróft

2011-03-01T16:54:00.001Z

Svona snjókoma er nú alveg óþarfi. Það er kominn mars, hvernig haldið þið eiginlega að mottan sé með snjórönd efst. Ömurlegt.

þrír gluggar í norður upp á fjórðu

2011-03-01T11:54:00.001Z

Paufast útivið síðustu viku.

2011-02-24T18:41:00.001Z

Maður er aðeins farinn að geta hreyft sig og notast ég þá við mína eigin útfærslu af gangi, sem er eiginlega eftirherma. Hvað um það síðustu viku einsetti ég mér að fara í smá göngutúr utandyra dag hvern og gerði það þó þeir væru ekki langir allir túrarnir, sá stysti út á svalir. Þessa viku hefur nefnilega rignt, snjóað, sólin skinið, súldað, með tilheyrandi hita, frosti, hálku og hræðslu við hana. En það er gott að hafa með sér myndavél og stoppa þétt. Þessar myndir eru sum sé teknar á mislöngum ferðum mínum um nágrennið undanfarna viku. Frá 17.2.-24.2. til að vera nákvæmur.

Ég á stórskrýtinn hádegisskugga

2011-02-07T12:56:00.001Z

Hádegissólin er lágt á lofti hér í Strandgötunni og því er skugginn minn langur og spengilegur, ekki sjáanlegt að hér fari velbúttaður gaur, sem fremur hermir eftir gangi en gengur.

Ristur og Fræstur

2011-01-26T11:27:00.001Z

Menn eru dálítið að láta fljúga sér til hennar Reykjavíkur í einhverjum tilgangi og sumir láta meira að segja fljúga sér til baka aftur. Ég prófaði fyrir viku að fara á börum á sjúkraflugsclass beint á Borgarspítalann. Þar var mjóbak mitt rist upp og sagað ofan af hryggnum, síðan borað, fræst og heflað úr mænugöngunum svo að pláss væri fyrir mænuna ( mænan hafði víst ekki fitnað, en mænugöngin bætt innan á sig svona einsog mittið hefur bætt utaná sig ). Þessi meðferð er til góðs þegar fagmaður framkvæmir hana, ég ráðlegg engum að prófa þetta heima hjá sér. Og nú þarf ég bara að liggja gróandi. Kominn heim í Strandgötuna eftir stutt stopp á Fjórðungssjúkrahúsinu. Fróðný minn miklu betri helmingur festi hluta leiðangursins á digitölur.

Smáskrípó

2011-01-14T13:11:00.001Z

Upp styttir él um síðir

2011-01-08T13:50:00.001Z

Þetta norðanáhlaup í gær var svosem alveg alvöru, en það snjóaði ekki mikið hér á eyrinni þó fokið hafi í skafla. Myndirnar hér fyrir neðan eru teknar á sömu stöðum og myndirnar í gær, sömuleiðis um hádegisbil.

Í suður :

Í norður :

Og frostið er örlitið meira en í gær :

Útsýni af fjórðu hæðinni, hádegi 7.1.2011

2011-01-07T13:31:00.001Z

Það er ekki gömlum hundi út sigandi í dag. Norðanhríðarbylur.

Þetta sést út um suðurglugga :

Í norður er “ útsýnið “ hinsvegar svona :

Þó má sjá úr eldhúsglugganum að það er ekki verulega kalt :

Eins manns bylting fíflsins í bakgarðinum aftur

2010-12-31T03:17:00.001Z

Tveir bræður Heiðar

2010-12-31T03:06:00.001Z

Hádegissól í desemberlok

2010-12-29T14:17:00.001Z

Strandgötusólin er ekki með neitt sérstakt sjów í hádeginu þessa dagana - og þó. Þessi mynd var tekin klukkan 12;14 í gær.

Strandgötuhrafnar

2010-12-28T13:59:00.001Z

Strandgötuhrafnarnir eru ungir og leika sér

Jólameyr/meir

2010-12-24T15:52:00.001Z

Í tilefni af deginum í dag, sem er aðfangadagur þeirra kristnu jóla sem við höldum svona af gömlum vana, er maður svolítið jólameyr og minnist liðinna jólastunda með vinum nær og fjær og vill eiginlega jólameir.

Gleðirík jól

Viktor Daði á jólabazar

2010-12-15T15:52:00.001Z

Síðasta laugardag ( þann 11.12.2010 ) litum við erfðaprinsinn Viktor Daði upp í Populus Tremula að kaupa jólatré og skoða jólabazar Beate og Helga frá Kristnesi. Viktor valdi fjallaþyn, þótti það flott tré. Hann brosti við einu of stuttu.

En var svo grafalvarlegur yfir því sem hann valdi.

Hann dáðist mikið að jólabyssunum.

En svo má alltaf gantast og hlægja hvar sem maður er.

Hádegisnorður á eyrinni 28.11.2010

2010-11-28T12:46:00.001Z

Smáljóð

2010-11-24T13:45:00.003Z

ekki oft sem andinn dettur svona yfir mig, en sem ég beið eftir strætisvagni um hádegisbil á horni Kaupvangs-og Hafnarstrætis varð mér að hugsun þetta :

á Akureyri
er Hamborg
við hlið Parísar

en ég vil komast til Köben

Eins manns bylting í bakgarðinum

2010-11-16T14:51:00.002Z

Þagnar-Freyja í vetrarham

2010-11-14T08:18:00.001Z

Þagnar-Freyjan mín býr sig nú undir sinn annan vetur utandyra, er reyndar aðeins byrjuð að fara á límingunum.

Ský fyrir skýjaglópa

2010-11-03T15:00:00.002Z

Þannig er nú það

2010-11-01T23:25:00.002Z

Nú er eitthvað verið að ræða um framtíð listaverksmiðju í verksmiðjunni á Hjalteyri. Þetta er eitt að fínum verkum sem eru í verksmiðjunni þeirri.

Kamarorghestar

2010-10-05T16:10:00.001Z

Næsta laugardagskveld ( 9. október ) munu hinir einu og sönnu Kamarorghestar stíga á svið á Hverfisgötu 46 að mig minnir. Það er ólíklegt að við lítum þá út einsog á myndinni gömlu, en einsog Gísli Víkingsson segir þá breytist tískan.

Rauðaþögn hjá Fríðu. Ferðasaga.

2010-10-05T15:49:00.001Z

Það er við hæfi, að setja ferðasöguna á bloggið, nú þegar næsta helgi (9.10. október) er síðasta helgi sýningar minnar á Rauðuþögn hjá Fríðu í Hafnarfirðinum. Við lögðum af stað föstudagsmorguninn 17.september þrjú saman KP, Fróðný og Viktor Daði, en komum heim fjögur þriðjudagskvöldið 21.september, því móðir mín kom með okkur norður. Upphenging og opnun var laugardaginn 18. september og bróðir minn Birgir fær hér með fleiri þakkir fyrir hjálpina. Hið Aðallega Skrokkaband, við Haraldur háskeri Davíðsson, spilaði nokkur lög við opnun og það var gaman sem fyrr. Ég þakka gestunum fyrir komuna, Auðunn og Fríðu fyrir að mega hertaka gullsmíðastofuna, og Fróðný og Viktor Daði fá ástarþakkir og kveðjur.

Rauðaþögn fer aftur í ferð og á flug

2010-09-10T10:00:00.001Z

Eftir rúma viku ökum við sem leið liggur til Hafnarfjarðar með sýningu númer tvö um ferðalög Rauðuþagnar í farteskinu. Hjá Fríðu á Strandgötu 43 verður síðan opnun laugardaginn 18. september kl. 14-17 og sýningin verður uppi fram í miðjan október.

Opnun í Boxi og sal Myndlistarfélagsins

2010-08-31T12:51:00.001Z

Við opnuðum sýningar á sama stað ( svotil ) og sama tíma laugardaginn 28.8.2010 kl 14, við Guðrún Pálína. Hún með TAKT í Sal Myndlistarfélagsins og ég Þagnarnál í Boxkompunni. Það var Akureyrarvaka, gott veður og fullt af opnunum og lífi í gilinu þó Menningartunnan Hof væri líka að opna, en það var nú fyrir silkihúfurnar með boðsmiðana. Hjá okkur og öðrum í gilinu var það bara VERIÐ VELKOMIN.

Þagnarnál í BOXKompunni

2010-08-31T12:29:00.001Z

Það fer vel um þagnarnálina í BoxKompunni, þó erfitt sé að taka myndir af henni þarna inni í gleri allt um kring og ef ætti að slá upp balli í Kompunni þeirri yrði það voða fámennt.

Tilbrigði við þorsk

2010-08-31T09:05:00.001Z

Fyrir Akureyrarvöku unnum við Steini saman verkið : Fiskisaga ; Tilbrigði við þorsk. Þetta var skemmtilegt, ég blandaði saman fjórðupartsþögninni minni og þorski ( mun nýta þá hugmynd betur síðar ) og með mosagróinni fjöl og hertum þorskhausum frá Steina kom þetta vel út á austurvegg Myndlistaskólans á Akureyri.

The making of Þagnarnál

2010-08-25T15:44:00.002Z

Í sumar hefur stór hluti frítíma míns farið í það ánægjulega verkefni að gera þennan skúlptúr, sem heitir Þagnarnál. Nú á laugardag 28.8.2010 mun ég sýna hann/hana í BOXinu í gilinu lista. Það er útrás mikil úr Populus Tremula kjallaranum uppá fyrstu hæð í Boxið. Hugmyndin á bak við verkið er náttúrlega fjórðapartsþögn einsog flest sem ég geri, en núna læt ég sem svisslendingurinn Alberto Giacometti hafi komist í skissubók mína og teygt þessa búttuðu og sællegu þögn mína upp í tvo og hálfan meter, en hann var mikið fyrir langt og mjótt. Þagnarnálin er þannig langa systir Þagnar-Freyju, sem ég sýndi með Freyjumyndum í fyrrasumar og enn stendur keik fyrir utan Populus Tremula, já og BOXið.

Hér er stiklað á stóru í vinnunni frá skapalóni til blámálaðrar Þagnarnálar. Svona lítur hún út í vinnustofunni :

Súldarbogi

2010-08-24T09:33:00.001Z

Það var þessi súldarbogi yfir eyrinni akurs í morgun. Sólskin og súld.

Krummi

2010-07-22T10:47:00.001Z

Í gær var annar dagurinn af þeim tveimur, sem að meðaltali á ársgrundvelli er hægt að hafast við á svölunum eftir hádegi, hér á fjórðu hæðinni. Svalirnar vísa mót norðri ( fáránlegt er það, að enn sér maður nýbyggð hús á Akureyri með norðursvalir, sem er þó önnur saga ) og ríkjandi vindátt er að norðan og ef svo undarlega vill til að moruninn sé sólríkur og lognið allsráðandi ryður nístandi köld hafgolan burtu öllum hugsunum um kósíheit á svölunum eftir hádegi.

En í gær var semsagt annar dagurinn og við hjónakornin vorum svalafólk. Sem við sátum þar gerði þessi krummi nokkrar æfingar á sjónvarpsloftnetinu, brýndi gogginn, kvaddi með fögru krunki og flaug. Nú bíðum við eftir hinum deginum.

Black Magic Woman

2010-07-19T14:46:00.001Z

Þessa danssyrpu þarf bara að hafa eitt orð um. FJÖR.

Jón félagi Laxdal er sextugur

2010-07-19T14:38:00.001Z

Já þína skál gamli vinur.

Ég þakka fyrir alldeilis stórkostlega afmælis-og óvænt giftingarveislu í Freyjulundi, slik teiti duga vel í minningunni. Hér eru nokkrar myndir sem lentu í mínum digitölum.

Dagur gjörninga á Hjalteyri

2010-07-11T11:56:00.003Z

Í gær sunnudaginn 10.júlí komum við frá Sauðárkróki til Hjalteyrar til að berja gjörninga augum. Viktor Daði skoðaði verksmiðjuna smá, en hafði svo meiri áhuga á fjörunni, að fleyta kerlingum og berja sjóinn sem Xerxes forðum, en að fylgjast með gjörningum.

Á rölti mínu um með Viktori um verksmiðjuna rakst ég svo á það verk sem mér hefur þótt bera af, á öllum þeim sýningum sem ég hef séð í verksmiðjunni.

En að gjörningum : Birgir bróðir minn reið á vaðið með því að flytja grunnskólalög.

Hlynur Hallson var næstur en var svo snöggur að ég náði ekki að munda myndavélina. Gott hjá Hlyni.

Arnar Ómarsson og Kjartan Sigtryggsson flyttu svo til heiðurs forsprakka Jethro Tull, fiskeldismanninum mikla Ian Anderson, lúðugjörning.

Síðust var svo Aðalheiður Eysteinsdóttir og dansaði mikinn blæjudans.

Ég þakka fyrir mig.

- Reyndar tók ég tvær syrpur mynda af Öllu dansa ( við lítið ljós, þannig að þær eru svolítið skemmtilega hreyfðar ), þessar syrpur er að finna á Picasa : http://picasaweb.google.com/kpsinn/AllaGjorngingadans1?authkey=Gv1sRgCLDDk6Hf6LHJCA# og http://picasaweb.google.com/kpsinn/AllaGjorningadans2?authkey=Gv1sRgCKWT1L-ptYTC7wE#

Minigolfmót á Einarstöðum

2010-07-06T18:04:00.001Z

Dvalargestir í bústað 29 á Einarstöðum vikuna 25.6.-2.7. héldu sig að mestu á eða við veröndina, en þó var farið tvívegis í minigolf. Keppnismaðurinn Viktor Daði vill halda því til haga að hann hafi unnið í bæði skiptin, í annað skiptið þó verið jafn systur sinni.

Heitur pottur í bústað 29

2010-07-06T11:28:00.001Z

Heiti potturinn á veröndinni var frábær leikvöllur fyrir börn og fullorðin börn vikuna sem við dvöldumst á Héraði. Helga Jóna kom með austur til að vera í afmæli Heklu Karenar ( 25.7., 6 ára prinsessa ) og gisti eina nótt hjá okkur í bústaðnum. Annars voru það bara við hjónakornin og börnin, vindurinn, sólskinið og rigningin.

Nokkrum sinnum í norður

2010-07-04T18:06:00.001Z

Við smáfjölsyldan dvöldumst í góðu yfirlæti í sumarbústað á Einarstöðum á Héraði vikuna 25.6.-2.7. Ég tók að sjálfsögðu mýgrút af myndum meðal annarra nokkrum sinnum í næstum því norður af veröndinni við bústaðinn.

Hér eru nokkur dæmi og munið að sólin sest ekki í vestri, heldur í norðrinu.

25.6. kl. 23:11

26.6. kl. 06:42

27.6. kl. 00:48

27.6. kl. 06:24

27.6. kl. 22:14

28.6. kl. 06:38

29.6. kl. 15:28

30.6. kl. 02:23

30.6. kl.13:01

1.7. kl. 16:51

2.7. kl. 08:04

2.7. kl. 12:35

Frá Hjalteyri

2010-06-15T10:53:00.001Z

Fórum að skoða Dieter Roth akademíusýningu í gamla verksmiðjuhúsinu á Hjalteyri um síðustu helgi. Barinn var flottur og eitt og annað líka, en aldrei finnst mér verksmiðjufólk hafa náð að setja þar upp sýningu, sem ræður við þetta yfirgnæfandi pláss, sem þau sýna í. Verksmiðjan sjálf og nánasta umhverfi er alltaf flottara.

Ég geng ekki á þessum gróðri

2010-06-02T15:11:00.001Z

Það er reyklausi dagurinn

2010-05-31T12:36:00.001Z

Mér finnst reyklausi dagurinn vera rakalaus.

Fóstursonurinn

2010-05-26T11:35:00.001Z

Örlögin hafa nú spunnið okkur þann vef að blessaður litli maðurinn hann Viktor Daði verður hjá okkur Fróðnýju í fóstri alla vega næstu mánuði. ( “Life is what happens to you when you´re busy making other plans” söng John Lennon og hafði þar rétt fyrir sér sem oftar). En við munum kappkosta að veita Viktori það öryggi og þá ást, sem hann á skilið.

Lagið tekið í Öskjuhlíð

2010-05-19T21:12:00.001Z

Í nýlegri heimsókn á Stór-Kópavogssvæðið fór ég uppá fjórðu hæð í Perlunni til að pissa. Léttur á mér og í lund tók ég lag með hljómsveit staðarins.

Aspirnar “ mínar “ felldar

2010-05-06T16:08:00.001Z

Kom heim um daginn á hraðleið suður heiðar. Staldraði þó við, því verið var að fella aspirnar mínar í garði nágrannans. Þær sömu og blogguðu 52 vikur um árið. Þær höfðu reyndar greinabrotnað og orðið hálrytjulegar í roki í fyrra eða fyrr. En nú tek ég ekki fleiri myndir af þesssum trjám. Önnur lá í valnum er ég hóf upp Canoninn.

Hin lenti líka í mönnunum með kranann og keðjusögina.

Gaman að koma uppá fjórðu

2010-04-23T11:00:00.001Z

Nú er gaman að koma uppá fjórðu hæð í Strandgötunni. Stórflottar myndir Rutar Ingólfsdóttur prýða nú stigaganginn og full ástæða til að hvíla sig fyrir síðasta áfangann og virða fyrir sér þetta fallega verk. Jörð, vatn, loft og eldur uppá fjórðu.

Hrútshornakaffi

2010-04-23T10:52:00.001Z

Það er varla að maður tími að drekka úr kaffibolla, sem talar við mann með tveimur hrútshornum.

Skáldafætur og skipuleggjenda LitluLjóð

2010-04-20T13:15:00.001Z

Litla Ljóðahátíðin var um síðustu helgi í Populus Tremula og á Möðruvöllum. Hér er skrásetning á fótastöðu skáldanna og skipuleggjenda þeirrar Litlu við lespúltin. Hugmyndina átti Gunnar Jóhannesson og hann tók nokkrar myndir en KP kláraði dæmið.

Fjölskyldumyndir 11.4.

2010-04-13T07:43:00.002Z

Að loknum vinnudegi mínum afmælisdaginn 11.apríl, fórum við í Hríseyjargötuna til Önnu að kveðja litlu prinsessuna Heklu Karen,sem nú er kominn aftur í Vopnafjörðinn, en bróðir hennar Viktor Daði verður áfram hjá mömmu sinni. Í tilefni dagsins voru teknar nokkrar ljósmyndir áður en börnin fóru að sofa.

Síðan litum við Fróðný í kaffi til mömmu og Fróðný notaði tækifærið og tók myndir af okkur. Merkilegt að svona lítil og nett kona skuli hafa fætt svona stóran belg, en það er nú önnur saga.

Ég vil þakka

2010-04-11T06:44:00.001Z

Enn einn árhringurinn er að smeygja sér upp á gjörðina. Ég vil þakka móður minni og föður mínum heitnum lífið sem þau gáfu mér, þó ef til vill hafi ég ekki spilað rétt úr gefnum spilum. Ég vil þakka ástkærri eiginkonu minni, án hennar væri ég algjör áni. Ég vil þakka fjölskyldu minni, bróður, stúpdætrum, barnabörnum konu minnar og góðum skyldmennum. Ég vil þakka vinunum og vinnufélögum. Næsta ár verður partí. Skál !

Ísfugl og Köld slóð

2010-04-10T08:22:00.001Z

Þessi fugl var að gogga á eldhúsgluggann okkar á fjórðu hæðinni í liðinni páskaviku.

Og þá vikuna þurfti líka að klofa snjó til að komast að og frá vinnustofunni. Ég bind miklar vonir við að hlýindin núna reki Ísfugla til sumarheimkynna og kaldar slóðir hverfi.

Rauðaþögn : Opnun á Karólínu.

2010-04-05T16:20:00.001Z

Ég opnaði fyrstu sýninguna sem ber titilinn “ Rauðaþögn á ferð og flugi “ á Café Karólínu laugardaginn 3.4.2010. Sú rauða kunni vel við sig á barnum og skapari hennar og þjónn enn betur svo myndataka varð ekki mjög markviss. Þarf að fara aftur og taka myndir af sýningunni sjálfri, en sådan er det så meget.

Hljómsveitirnar Mogadon og Skrokkabandið spiluðu þó nokkur lög í opnuninni og þetta var allt saman gaman.

Nýlegt nýtt líf

2010-03-24T17:59:00.001Z

Þessi alvörugefni síðunglingur ákvað tiltölulega nýlega að hefja nýtt líf ákaflega svipað því gamla. Eftir sem áður mun hann hafa gaman að alkóhóli, satívu og öðrum lystisemdum lífsins. Ekki munu póletíkusar eiga upp á pallborð hans fremur en fyrr, en héðan í frá má hann hundur heita ef hann mætir til að taka þátt í þeim heimskulega leik sem hálfvitar kalla lýðræði, en er ekkert nema lýðskrum. Þar kom það.

Döddi snari

2010-03-23T11:16:00.001Z

Döddi er svo snar í snúningum að hann næst ekki á mynd nema sem skugginn af sjálfum sér svei mér þá.

Matti J

2010-03-22T15:18:00.002Z

Matthías Jochumsson orti um vort VOLAÐA LAND. Með hjálp FunPhotoBox er hann nú í gegnum brjóstmynd í Lystigarðinum kominn til útlanda.